સરદાર વલ્લભભાઈ પટેલ = "ખરા DUDE"!

યંગસ્ટર્સમાં એક શબ્દ બહુ ફેમસ છે "DUDE"
મારી લાઈફના એક DUDE ને આજે મળાવું.
વલ્લભભાઈ ઝવેરભાઈ પટેલ ઉર્ફ "સરદાર પટેલ" ઉર્ફ માનવની નજરે. ખરા "DUDE"
હવે એમને DUDE કેમ કહું છું એનું કારણ કહું.
સૌથી પહેલા તો એમનો ફોટો જુઓ. એટીટ્યુડ , આંખોમાં એક અલગ ચમક, એક પ્રતિભાશાળી વ્યક્તિત્વ. એમના મુખ ઉપરથી જ એમનો સ્પષ્ટવક્તા સ્વભાવ ઝરી રહ્યો છે.
જે ધારે એ કરી બતાવે એવા દ્રઢ નિશ્ચયી.
માત્ર ભારત જ નહિ, દુનિયાભરમાં તેઓ સરદારના નામથી સંબોધાય છે.
સૌથી આશ્ચર્યજનક વાત તો એ છે કે તેમની વાસ્તવિક જન્મ તારીખ ક્યારેય નોંધાય ન હતી પણ તેમણે તેમની મેટ્રીકની પરીક્ષાના પેપર વખતે ૩૧ ઓક્ટોબરને પોતાની જન્મ તારીખ તરીકે લખાવી હતી!
મારા મતે લશ્કરના જવાનો પણ એમના મનોબળથી કોસો દુર હશે એવા વિરલ પ્રતિભાશાળી વ્યક્તિ છે આપણા સરદાર.(અહી મેં "છે" શબ્દનો પ્રયોગ કર્યો છે એ કોઇજ ભૂલને લીધે નહિ પણ સરદાર આજે પણ જીવિત છે એ સંદર્ભમાં કર્યો છે.)
એવી માન્યતા છે કે સરદારના દેહાંત બાદ ઘણા દાયકાઓ સુધી ભારતીય સરકાર, રાષ્ટ્રીય મિડીયા તેમજ કોંગ્રેસ પાર્ટી દ્વારા સરદારના જીવન તથા તેમણે કરેલા કાર્યોની પ્રસંશા તેમજ પ્રચાર કરવામાં ઉદસીનતા દાખવી હતી.આમ છતાં સરદારને ગુજરાતમાં નાયક તરીકે પિછાણવામાં આવે છે.
સરદારના કાર્યોની પ્રશંશા ન થઇ હોવાથી આપણામાંથી ઘણા ઓછા લોકો "સરદાર" વિશે જાણે છે. સાથે સાથે એ કાર્યો અને એમના વલણની કદર પણ ઘણા ઓછા લોકો કરી શક્યા.
કહેવાય છે ને કે સિહણનું દૂધ જેવા-તેવા પાત્રમાં ના થાય એના માટે સોનાનું જ પાત્ર જોઈએ. એમ જે લોકો સરદારની પ્રતિભા આંકવામાં ઉણા ઉતર્યા છે એ લોકોની ગણતરી કયા પાત્રમાં થાય છે એ તો સાબિત થઇ ગયું.
સરદાર પટેલ એટલે કે માનવના "DUDE"ને શત શત પ્રણામ. જીવનમાં એમનો એટીટ્યુડ ઘણો કામમાં આવ્યો છે એ વાત સ્વીકારવામાં હું પાછો નહિ પડું.
આપ સદાય અમારા હૃદયમાં બિરાજિત રહેશો.
Keep Muskurana In Our Heart!:)
***
માનવનું ફેસબુક પેજ જોઈન કરવાનું ભૂલતા નહિ :http://www.facebook.com/manavninajare