હેપ્પી હેલોવીન.... ;)

ઘણા બધાને આના વિશે ખબર પણ હશે અને ઘણા લોકો હેલોવીન શું છે એ જાણવામાં વધારે રસ ના પણ હોય. કારણ? એનો દેખાવ! મેં જે ફોટો અટેચ કર્યો છે એ જોઈને જ કઈ થઇ જાય.
પણ સાચું કહું તો આમાં પણ એક અલગ મજા છે.
હેલોવીન ડે મુખ્યત્વે યુ.એસ અને યુરોપ બાજુ વધારે ઉજવાય છે. એમાં લોકો એકદમ વિચિત્ર કપડા પહેરીને મોજમજા કરે. હેલોવીન વિશે સર્ચ કરતા એક વિચિત્ર વાત જાણવા મળી. આપણે કદાચ એમ માનતા હોઈએ કે ભારતીયો સૌથી વધારે અંધશ્રધ્ધામાં માને છે કે ભૂત પ્રેતમાં મને છે પણ.... અહિયા થોડો અલગ નજારો છે. બહારના દેશો ભૂતપ્રેતમાં વધારે માને છે જેનું તાજું ઉદાહરણ છે "હેલોવીન ડે, હેલોવીન પાર્ટી."
હેલોવીન વિશે જાણવા જાઓ તો ઘણા બધા કન્ફ્યુઝન્સ પેદા થાય છે કારણકે અમુક લોકો એને ફોલો કરે છે તો અમુક લોકો નથી કરતા. જે લોકો ફોલો કરે છે એમાં પણ અલગ અલગ માન્યતાઓ છે, અલગ અલગ રીતનું સેલીબ્રેશન છે. એટલે એની અંદર આપણે નથી ઉતરતા.
હેલોવીન ડેમાં પણ માનવનો એક અલગ નજરીયો છુપાયેલો છે. આજે માનવ પણ હેલોવીન ડે મનાવશે અને એવી આશા રાખું છું કે આપ પણ હેલોવીન ડે મનાવશો. ( આખું લખાણ વાંચ્યા પછી આપને આપોઆપ ખ્યાલ આવી જશે કે માનવ શું કહેવા માંગે છે.)
હેલોવીન ડે માનવતા લોકોમાં એક માન્યતા હોય છે કે દરેક વ્યક્તિમાં એક ભૂત હોય છે. જે કોઈ કારણથી બહાર નથી આવતું.
અહી ભૂતની વ્યાખ્યા એ લોકો થોડી અલગ રાખે છે.
એમના મતે ભૂત એટલે માણસની અંદર રહેલા ખરાબ તત્વો, ખરાબ ગુણો.
માણસ માને કે ના માને એનામાં કોઈક હેલોવીન તત્વો રહેલા જ હોય છે જે જાણીને કે અજાણતા પણ બહાર નથી આવતા. હેલોવીન ડેનો ઉદ્દેશ એ જ છે કે એ લોકો અંદરના ભૂતને (ખરાબ તત્વો)ને બહાર ફગાવી દેતા હોય છે અને પછી એનું સેલીબ્રેશન કરતા હોય છે.
તો આજે આપણે મનથી નક્કી કરીએ કે આપણી અંદર કયા હેલોવીન રહેલા છે અને એમને દુર કરવાનો એક પ્રયાસ કરીએ. આવી રીતે હેલોવીન ડે ઉજવીએ. બોલો હવે તો હેલોવીન ડે ઉજવવો ગમશે ને?
જીવનના દરેક "ડે" ને સેલીબ્રેટ કરીએ માનવની નજરે.અને રહીએ ઓલ્વેઝ મુસ્કુરના :)
***
માનવની બીજી વાતો આપ ફેસબુક ઉપર વાંચી શકો છો :http://www.facebook.com/manavninajare